السفــ تمساح النيل ــاح
مشرف عام
العمر : 15
سجّل في : 04 أبريل 2008
عدد المساهمات : 115
احترام قوانين المنتدى : 
|  موضوع: الأهلي يلعب في الدوري الإنجليزي الحلقة 3  الخميس 15 ماي 2008, 17:03 | |
| المحامي بتاع الأهلي في قضية الحضري طلب تاريخ الحضري كاملاً منذ قدومة إلي المشكلة الأخيرة
طبعاً الكابتن حسن حمدي مش حيقعد يعمل البتاع لوحده
كلمني وقالي تعالي يا محمود عشان نخلص الورق بسرعة
طبعاً انا استغليت الفرصة دي وماتخرتش
بس المشكلة اني كنت في سويسرا عشان بلاتر كان عاوزني في كام مشوار كدة
قلت بالمرة وانا هناك اعدي عالهارب اصبح عليه ونشرب انا وهو فنجال شاي وارجع مصر بسرعة عالنادي الأهلي عدل
رحت خبطت علي الباب بس بيكهام مكانش معايا بقي المرة دي عشان كان عنده تمرين مع الأهلي
المهم الحضري فتحلي قالي:مش ممكن محمود ...انت في سويسرا من امتي
قلتله:مفيش كلام مابينا...انا جاي اقولك انك ان شاء الله حتيجي علي الأهلي وتروح ونبيعك لنادي السكة الحديد...وخلي سيون وبلاتر ينفعوك بقي
قالي:طب بقولك ايه انا عارف معزتك عند الكابتن حسن حمدي...بالله عليك انا عاوز ارجع...انت واقف ليه اتفضل ادخل... البيبسي عالنار والقهوة في التلاجة
قلتله:يا عمي انا مليش دعوة انا مبحبش القهوة...انا ماشي...سلام
مشيت طبعاً وفكتني منه خالص وهو عمال يحاول يرجعني وانا رافض تماماً إني اكلمه
انا بقي ركبت 128 ورجعت علي مصر
واحنا ماشيين علي طريق الاسكندرية زيونخ الزراعي الكاوتش فرقع
نزلت انا وكلمت مين بقي؟؟؟
كلمت بلاتر قلتله:ايوة يا بلاتر العربية عطلت...ابعتلي حد بسرعة
المهم بعتولي واحد ميكانيكي شغال في سويسرا
الراجل طلع نصاب وخد من بلاتر ضعف المبلغ المهم مش موضوعنا
انا رجعت الاهلي وهناك قابلت طبعاً أعضاء النادي كلهم عارفيني عشان انا اللي خليت الأهلي يلعب في الدوري الانجليزي
وعمالة تشاور عليا وتقول البطل اهو وبتاع
وصلت مكتب حسن حمدي لقيته قاعد في المكتب مع الخطيب
قلتلهم:خير
الخطيب قالي:احنا بنحاول نجيب لعيب سوبر بس الموضوع ده ميطلعش برة عشان انت عارف احنا داخلين علي دوري انجليزي وعاوزين نلعب في دوري أبطال اوروبا وبتاع
قلتله: متخافش خالص...روني مستعد ييجي...وكرستيانو كان بيلمحلي انه عاوز يلعب...واحنا عندنا بيكهام وابو تريكة وبركات...نجيب بيتر تشيك وناخد الدوري...والكوكا عليا
قالي:ماشي جيبلنا الناس دي كلها
وسيبنا احنا نكتب تاريخ الحضري للمحامي عشان يشوف هو حيعمل ايه
انا بقي سيبتهم ومكانش في جيبي غير ربع جنيه
نزلت ركبت الترام العابر للقارات واديت للكمسري ربع جنيه قالي لأ ده الترام غلي بقي بنص
انا قلتله:طب انا حدفع بعدين
قالي:براحتك ... انت نازل فين
قلتله:انا نازل في مانشستر
قالي:طب بسرعة عشان فاضل محطتين علي مانشستر
بالصدفة قابلت كرستيانو في الترام
فرحت سلمت عليه
وطبعاً دفعلي هو وقلتله عالحكاية والرواية وانه لازم ييجي يلعب في الأهلي
قالي:ماشي ... عشان انت اللي عرضت عليا انا حفسخ عقدي مع مانشستر واجي العب في الأهلي
قلتله:بقولك ايه متروح تكلم الواد روني عشان ييجي يلعب عندنا..ولو قابلت تشيك قوم معاه بالواجب
طبعاً رونالدو ميقدرش يرفضلي طلب
راح كلم روني وتشيك والحمد لله وافقوا
في الحلقة القادمة من الأهلي في الدوري الانجليزي:الأهلي يبدأ مشواره بمباراة نارية مع تشيلسي...وبيتر تشيك يتعرض للاصابة في وسط المباراة
_________________
تغيب الشمس والناس تنام و يغيب القمر ويزداد الظلام لاكن تغيب انت هذا حرام |
|
